FOTO/ “Metallica”, tinguj nostalgjikë në koncertin madhështor në Milano

TIRANË, 10 maj /ATSH/ – Në Milano u zhvillua koncerti epik i “Metallica”. Plot 47 mijë vetë u mblodhën në Hipodromin e Milanos, pavarësisht shiut të dendur.

Siç përshkruhet edhe nga mediet vendase, kjo mbrëmje solli një nostalgji të jashtëzakonshme mes grupit dhe publikut.

“Metallica” e ngriti në këmbë Hipodromin e Milanos, e shiu ishte një element mjaft i veçantë në këtë rast.

“Reshje të tilla nuk ishin parë që nga koha e Bruce Springsteen në vitin 2003 në ‘San Siro’”, shprehet “Corriere della Sera”.

Katër “kavalierët” e “Metallica”, e elektrizuan publikun me stuhinë e tingujve të tyre.

Grupi dha maksimumin në skenë, vazhdon “Corriere”, me këngë si “One”, “Master of Puppets”, “For Whom the Bell Tolls” dhe “Creeping Death” dhe himnin e tyre të padiskutueshëm “Nothing Else Matters”. /a.a/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.