TURQI – Kandidati i opozitës shpallet fitues në Stamboll

STAMBOLL, 17 prill /ATSH-AFP/ – Kandidati i opozitës, Ekrem Imamoglu u shpall fitues i zgjedhjeve bashkiake në Stamboll nga autoriteti elektoral që i dorëzoi sot mandatin e kryetarit të bashkisë, njoftoi partia e tij.

“Imamoglu mori këtë dokument, të dhënë nga Komiteti i Lartë Elektoral, pavarësisht kërkesës së paraqitur nga partia në pushtet e presidentit Recep Tayyip Erdogan për të zhvilluar një votim të ri me pretekstin se ai i 31 marsit ishte i mbushur me parregullsi”, theksoi partia socialdemokrate, CHP. /G.S/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.