Lionel Messi drejt fitimit të “Këpucës së Artë”

TIRANË, 15 prill /ATSH/ – Lionel Messi duket i pacenuar në garën për të fituar Këpucën e Artë në Europë, si golashënuesi më i mirë i kampionateve elitare në Kontinentin e Vjetër.

“Ylli” i “Barcelonës”, edhe pse nuk luajti në sfidën me “Huescan” në trasfertë, ruan distancën prej 6 pikësh me Kylian Mbappe, që është ndjekësi më i afërt (33 me 27).

Nëse Messi ka edhe 6 takime në dispozicion deri në fund të La Ligas, ndërsa për talentin e PSG-së, që nuk arriti të shënonte në humbjen turpëruese 5-1 ndaj “Lilles”, kanë mbetur edhe 7 ndeshje për ta rikuperuar distancën e krijuar.

Gjithsesi, Mbappe mbetet një kërcënim, pasi PSG është eliminuar nga Championsi dhe trajneri Tuchel nuk ka nevojë të bëjë rotacion në skuadër, ndërsa “Barcelona”, nëse eliminon “Manchester United”, me sigurinë që i jep distanca e konsiderueshme që ka krijuar në kampionat ndaj “Atleticos”, mund t’i japë mundësi Messit të pushojë më shumë.

Golashënuesit më të mirë:

1 – Lionel Messi                   33 gola (La Liga)

2 – Kylian Mbappe                27 gola (Ligue 1)

3 – Fabio Quagliarella           22 gola (Seria A)

4 – Robert Lewandowski       21 gola (Bundesliga)

5 – Sergio Aguero                19 gola (Premier League)

/gj.m/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.