Dibër/ Prezantohen 11 infermierët e punësuar përmes platformës

TIRANË, 5 prill/ATSH/ – Në Drejtorinë Rajonale të Shëndetësisë në Dibër është bërë prezantimi i 11 infermierëve të cilët arritën që ti bashkoheshin ekipit të shëndetësisë, pas aplikimit në platformën “Infermierë për Shqipërinë”.

Sipas DRSH Dibër, infermierët të cilët sapo kanë filluar rrugëtimin e tyre në fushën e shëndetësisë, shprehën vlerësimet e tyre për transparencën e treguar në procesin e seleksionimi të kandidatëve nga platforma “Infermierë për Shqipërinë”.
Gjatë prezantimit të fituesve ishte e pranishme Drejtoresha Rajonale e Shëndetësisë për rajonin e Tiranës, Rudina Ndegjoni.
Pas përfundimit të prezantimit, Drejtoresha Rajonale e Shëndetësisë për rajonin e Tiranës se bashku me drejtorin e DRSH Dibër, vizituan Spitalin Rajonal Dibër dhe disa qendra shëndetësore, për të parë nga afër mbarëvajtjen e punës.

Platforma “Infermierë për Shqipërinë” ka punësuar mbi 1 mijë infermierë, duke rritur transparencën e punësimeve në sistemin e Shëndetësisë.

/e.caushi/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.