UKT finalizon një tjetër investim

TIRANË, 4 mars/ATSH/ – Banorët pranë rrugës “Abdyl Frashëri” në Tiranë do të kenë sasinë dhe cilësinë e duhur të ujit të pijshëm.

Ndërmarrja e Ujësjellës Kanalizime Tiranë ka finalizuar një tjetër investim në rrjetin e ujësjellësit mbrapa rrugës “Abdyl Frashëri”, ku ekipet e kësaj ndërmarrjeje janë kujdesur për detajet e punimeve, duke mos dëmtuar edhe investimet e tjera në këtë zonë.

UKT bën me dije se aktualisht linja ofron furnizim normal me ujë të pijshëm për të gjithë banorët.

Për të përmirësuar cilësinë e ujit të pijshëm si dhe për të shmangur përmbytjet, UKT është duke ndërmarrë një sërë investimesh.

/e.caushi/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.