Dua Lipa zbulon se kush qëndron pas suksesit të saj

TIRANË, 19 shkurt /ATSH/ – Dua Lipa është një prej këngëtareve më të suksesshme në botë. Famën e madhe e mori në vitin 2015 kur publikoi këngën “Be the One” që arriti të dëgjohej dhe në Europë duke u renditur në toplistat muzikore.

Që prej asaj kohe, suksesi i Duas nuk është ndalur. Por, cili arriti të zbulonte talentin e saj dhe ta kthejë në një yll? Këtë e ka zbuluar vetë këngëtarja kur shkruan, ”menaxheri im dhe shoku i ngushtë bentap77, i cili i dëgjonte demot e mia që kur isha 17 vjeçe, por pa diçka tek unë. Ne ende kemi një rrugë të gjatë për të bërë… por ky ishte një fillim mjaft i mirë për të nisur vitin, mbrëmja Grammy”.

Kujtojmë se në Grammy, ajo u vlerësua me dy çmime. Tashmë mbetet për t’u parë nëse do arrijë të ketë sukses në Brit Awards ku ka marrë katër nominime. /a.a/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.