Haradinaj: Kosova është me fat që përfaqësohet nga Dua Lipa

PRISHTINE, 11 shkurt /ATSH/ -Kryeministri i Kosovës, Ramush Haradinaj, ka uruar këngëtaren Dua Lipa, e cila mbrëmë gjatë ceremonisë së çmimeve “Grammy”, është shpallur dy herë fituese e këtij çmimi prestigjioz.

Haradinaj u shpreh se Dua edhe njëherë e dëshmoi që me punë dhe talent, kalon çdo kufi.

“Urime Dua! Kosova është me fat që në botë, përfaqësohet me emrin tënd”, tha ai.

Përndryshe, ajo është shpallur artistja e re më e mirë për vitin 2019, në ceremoninë e mbajtur në Los Angeles. Po ashtu ajo u vlerësua edhe si kënga më e mirë ritmike, për këngën  “Electricity”. /KosovaPress//e.malaj/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.