FOTO/ Surpriza për Shën Valentin, bashkia e Tiranës vishet me zemra të kuqe

TIRANË, 11 shkurt/ATSH/ – Edhe këtë vit Shën Valentini do të vijë ndryshe në Tiranë. Ashtu si edhe çdo vit tjetër, bashkia e Tiranës ka menduar që të sjellë diçka të veçantë për ditën e të dashuruarve.

Krahas aktiviteteve të shumta në zona të ndryshme të Tiranës, ku sërish Parku i Madh i Liqenit do jetë qendra e organizimeve, bashkia e Tiranës është zbukuruar edhe vet me simbolin e kësaj dite, zemrat e kuqe.

Fotot janë marrë nga pamja që ofron sot Bashkia e Tiranës, ku dhjetëra zemra të kuqe janë vendosur në një nga hyrjet e godinës, duke përcjellë një atmosferë festive për qytetarët.

Kjo ka tërhequr interesin e qytetarëve të shumtë, të të gjitha moshave, të cilët e kanë kthyer atë në një vend ideal për të patur foto si kujtim për këtë ditë.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.