SHKUP – Zaev: Mikja jonë, Greqia, e ratifikoi e para protokollin për në NATO

SHKUP, 9 shkurt /ATSH-MIA/ – Pas ratifikimit të Protokollit për anëtarësim në NATO në Parlamentin e Greqisë, kryeministri maqedonas, Zoran Zaev në profilin e tij zyrtar në FB shkroi se Greqia ishte vendi i parë që e ratifikoi Protokollin dhe se “Me krenari themi se ne jemi NATO!”.

“Mikja jonë, Republika e Greqisë është vendi i parë që e ratifikoi protokollin për anëtarësimin e vendit tonë në NATO”, shkruan Zaev në FB.

”Shkojmë drejt suksesit të garantuar. Më lehtë është me aleatë, me krenari themi se ne jemi NATO”, shton ai në FB, ku vendos emoji edhe flamujt e të dyja vendeve./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.