Rama takim me mbretin e Arabisë Saudite, nënshkruhen disa marrëveshje të rëndësishme

TIRANË, 6 shkurt/ATSH/ – Kryeministri Edi Rama në vijim të vizitës zyrtare në Mbretërinë e Arabisë Saudite u prit nga mbreti Salman ibn Abdulaziz Al Saudi.

Kreu i Qeverisë bën të ditur se pas takimit u nënshkruan disa marrëveshje të rëndësishme bashkëpunimi mes të dy vendeve.

“Në pritjen shumë miqësore të mbretit Salman ibn Abdulaziz Al Saudi, ku pas drekës zyrtare u nënshkruan disa marrëveshje të rëndësishme bashkëpunimi”, shprehet Rama.

Në kuadër të kësaj vizite në Mbretërinë e Arabisë Saudite, Kreu i Ekzekutivit zhvilloi gjithashtu sot një takim me Shefin e Fondit Saudit të Zhvillimit, ku në fokus të takimit ishte programi i bashkëpunimit mes dy vendeve që konsiston në ekonomi, turizëm, arsim dhe trashëgimi kulturore./k.s/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.