TEHERAN – Irani teston me sukses një raketë të komanduar

TEHERAN, 2 shkurt /ATSH-AFP/ – Irani testoi me sukses një raketë të komanduar me rreze të mesme që arrin më shumë se 1350 kilometra, njoftoi sot televizion shtetëror iranian.

“Raketa e komanduar Hoveizeh u testua me sukses pasi kishte zhvilluar një distancë prej 1200 kilometrash dhe arriti objektivin e saj”, deklaroi ministri i Mbrojtjes, Amir Hatami.

SHBA-ja u tërhoq në maj 2018 nga marrëveshja bërthamore e arritur mes fuqive të mëdha dhe Iranit në vitin 2015, ku ky i fundit pranonte të reduktonte aktivitetin atomik vetëm për çështje civile.

Megjithatë, Uashingtoni kërkon që në këtë marrëveshje të ndalohet edhe zhvillimi i teknologjive për raketa balistike. /G.S/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.