TURQI – Erdogan kërkon një zone të sigurisë kufitare brenda disa muajsh

ANKARA, 25 janar /ATSH-AFP/ – Presidenti turk, Recep Tayyip Erdogan njoftoi sot krijimin brenda disa muajsh të një zone të sigurisë në rajonet siriane në kufi me Turqinë, në mungesë të kësaj mase Ankaraja do t’a marrë vetë përsipër këtë detyrë.

‘’Ne presim që premtimi për të krijuar një zone sigurie për të mbrojtur kufijtë tanë nga terroristët të mbahet brenda disa muajve. Në të kundërt, ne do t’a marrim vetë përsipër si detyrë’’, pohon Erdogan në një fjalim të transmetuar në televizion.

‘’Durimi ynë nuk është pa limit dhe nuk do të presim pafundësisht që premtimi i dhënë të bëhet realitet’’, shtoi ai.

Presidenti amerikan, Donald Trump propozoi në mesin e muajit janar krijimin e një zone të sigurisë me një gjatësi rreth 30 kilometra përgjatë kufirit në Siri, një ide e mbështetur nga autoritetet turke të cilët u shprehën të gatshëm për të vënë në zbatim një projekt të tillë./ /v.b/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.