“Real Madrid” ofron James Rodriguez dhe para për Eriksen

TIRANË, 22 Janar /ATSH/ – “Real Madridi” nuk heq dorë nga Christian Eriksen, madje ka gjetur edhe mënyrën për të mbërritur te mesfushori danez.

Drejtuesit e klubit spanjoll synojnë të përfshijnë në bisedimet me “Tottenhamin” kartonin e James Rodriguezit, që është i huazuar te “Bayern Munich”.

Me emërimin e trajnerit Niko Kovaç, mesfushori kolumbian nuk po aktivizohet në vazhdimësi.

Sipas gazetës “AS”, tek “Reali” nuk duan ta mbajnë më Jamesin prandaj duan ta përfshijnë në bisedimet për Eriksen, i cili është i lidhur me “Spurs” deri në vitin 2020.

Në rast se nuk rinovon kontratën, “Tottenhami” do të jetë i detyruar për ta shitur. Përveç Jamesit, “Reali” është gati të paguajë edhe një shifër parash për të arritur tek Eriksen.

/gj.m//m.m/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.