SHBA – Uashingtoni bën thirrje për krijimin e një qeverie të re në Venezuelë

UASHINGTON, 12 janar /ATSH-AFP/ – SHBA-ja kanë rritur sot kritikat e tyre ndaj presidentit venezuelas të sapozgjedhur, Nicolas Maduro, duke bërë thirrje në mënyrë të hapur për krijimin e një qeverie të re.

“Populli i Venezuelës meriton të jetojë i lirë në një shoqëri demokratike të qeverisur nga Shteti i së Drejtës”, deklaroi në një komunikatë zëdhënësi i diplomacisë amerikane, Robert Palladino.

“Ka ardhur koha të bëhet një tranzicion i qetë drejt një qeverie të re”, shtoi ai.

Nga ana e tij, ministri amerikan i Punëve të Jashtme, Mike Pompeo theksoi që nga Abu Dhabi, ku ndodhet për një vizitë, se “ngjarjet në Venezuelë janë jashtëzakonisht të rëndësishme. Regjimi i Maduros është i jashtëligjshëm”. /G.S/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.