BIOTEKNOLOGJI – ADN-ja e neandertalit ka modeluar kafkën e njeriut

AMSTERDAM, 5 janar /ATSH-ANSA/ – Fakti që kafka e njeriut nuk është krejtësisht e rrumbullakët por pak e zgjatur vjen për shkak të një copëze të vogël të ADN-së së trashëguar nja njeriu i neandertalit.

Ky zbulim, i publikuar në revistën Current Biology, u arrit nga bashkëpunimi mes paleontologëve dhe gjenetikëve.

Në krye të këtij kërkimi ndërkombëtar janë paleontologu Philipp Gunz, i “Max Planck Institute” në Gjermani dhe gjenetikët Simon Fisher dhe Amanda Tilot, të “Max Planck Institute” në Holandë.

Studiuesit kanë dalë në këtë përfundim pasi krahasuan analiza të kafkave të fosilizuara, pjesë antike ADN-je dhe imazhe të trurit.

Ata kanë arritur të zbulojnë fragmente ADN-je të neandertalit në kromozomet 1 dhe 18, që lidhen me aktivitetin e gjeneve UBR4 dhe PHLPP1, që kanë një rol shumë të rëndësishëm në disa faza të zhvillimit të trurit. /G.S/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.