Kukës/ Rrugët nacionale të kalueshme pa zinxhirë

TIRANË, 4 janar/ATSH/- Për shkak të uljes së temperaturave që ka përfshirë të gjithë vendin, situata në qarkun e Kukësit paraqitet e mirë dhe i vetmi problem paraqitet në zonën e Shishtavecit.

Prefekti i Kukësit, Zenel Kuçana në një prononcim për Agjencinë Telegrafike Shqiptare tha se rrugët nacionale janë të kalueshme.

“Gjendja në rrugën nacionale është e kalueshme. Kompanitë përgjegjëse për mirëmbajtjen e rrugëve kanë hedhur kripë për shkak të dëborës, ndërsa kalimi i automjeteve bëhet pa zinxhirë”, – tha Kaçana.

Probleme sipas tij, paraqesin rrugët rurale veçanërisht zona e Shishtavecit, ku trashësia e dëborës ka arritur 50 cm.

Kuçana tha se janë në gatishmëri për të shmangur çdo problematikë, për shkak të motit të keq. z.tosku/e.caushi/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.