Prokurorja e Beratit, Eloida Goxhi në “sitën” e Vetingut

TIRANË, 18 dhjetor /ATSH/ – Drejtuesja e prokurorisë së Beratit, Eloida Goxhi ka dalë këtë të martë para Komisionit të Pavarur të Kualifikimit, në seancën dëgjimore, ku pritet të gjykohet në tri shtyllat e vlerësimit të Vetingut: për ligjshmërinë e pasurisë saj, si dhe verifikimin etik e profesional.

Prokurorja Goxhi ka dalë përballë trupës gjykuese të përbërë nga Xhensila Pine, Brunilda Bekteshi, Suela Zhegu.

Mbi bazën e analizës së vlerësimit prokurorja Goxhi do të provojë ligjshmërinë e pasurisë saj, si dhe do i nënshtrohet verifikimit etik e profesional të saj.

Eloida Goxhi, në vitin 2010 ka mbaruar Shkollën e Magjistraturës dhe e ka nisur fillimisht detyrën e saj në Prokurorinë e Durrësit, ndërsa në vitin 2010 ajo është emëruar në Prokurorinë e Beratit, ku aktualisht mban akoma pozicionin si drejtuese e Prokurorisë në këtë qytet.

/gj.mima/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.