SOFT NEWS – Semaforë me pamjen e Elvis Presley!

FRAJDBERG, 15 dhjetor /ATSH-DPA/ – Qyteti i Frajdbergut në qendër të Gjermanisë, ka vendosur të krijojë semaforë specialë me pamjen e Elvis Presley, meqenëse mbreti i muzikës rok ka qëndruar në këtë qytet kur ka shërbyer në ushtrinë amerikane.

“Të dizenjuar nga një artist grafik dhe të vendosur në Sheshin Elvis Presley, drita e kuqe tregon Elvisin në mikrofon, ndërsa ajo e gjelbër tregon lëvizjen ikonike ‘hip-swing’ të tij”, shkruan e përditshmja “Wetterauer Zeitung”.

Presley ka qenë në Frajdberg si pjesë e forcave GI, në veri të Frankfurit, nga tetori 1958 në mars 1960. Ai qëndroi në qytetin fqinj të Bed Nohajmit.

“Mbreti i Rock and Roll” vazhdon të jetë shumë i pëlqyer në rajon. Të dyja qytetet kanë klube fansash të Elvis Presley, të cilët vazhdojnë të ndezin qirinj, të vendosin lule dhe dhurata të vogla në kujtim të idhullit të tyre përreth Bed Nohajmit.

Qyteti pret gjithashtu Festivalin Europian të Elvisit.

Madje, është planifikuar gjithashtu që të ngrihet një statujë bronzi në kujtimin e tij në një urë në Bed Nohajm. /G.S/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.