Zv/presidenti i “Hyatt”: Shqipëria vend unik për investime

141

TIRANË, 6 Dhjetor/ATSH/- Zëvendëspresidenti i hotel “Hyatt”, Aoyama Takuya, deklaroi sot se “hapja e hotel Hyatt në Shqipëri do të jetë një histori suksesi”.

I pranishëm sot në ceremoninë e nënshkrimit të kontratës me Mak Albania, Aoyama Takuya theksoi se “ne nga Hyatt firmosim shumë kontrata gjatë vitit, hapim shumë hotele në gjithë botën, por që të kemi mundësi që të shkojmë në një vend kaq unik sa Shqipëria është një rast shumë, shumë i veçantë”.

“Shqipëria është një vend me një natyrë madhështore, me një bregdet të paprekur me një trashëgimi kulturore unike, ku bëhen premtime që mbahen”, theksoi Takuya.

Në emër të Hyatt, tha më tej ai, do të doja të premtoja se kur të hapet ky hotel ne do të bëjmë një histori suksesi jo vetëm për Tiranën, jo vetëm për turizmin e Shqipërisë, por për miqtë tanë sidomos për ata që do të punojnë me ne.

“Faleminderit për mbështetjen dhe presim me kënaqësi të hapim hotelin këtu në Shqipëri”, tha zv/presidenti Takuya./k.s/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.