Samiti i Dytë i Diasporës, ftesë për përfaqësuesit e komunitetit shqiptar në botë

TIRANË, 6 dhjetor /ATSH/ – Të gjithë përfaqësuesit e komunitetit shqiptar, që punojnë dhe jetojnë në vende të ndryshme të botës, të cilët kanë shënuar sukses veçanërisht në fushën e biznesit, sipërmarrjes dhe jo vetëm janë ftuar të marrin pjesë në Samitin e Dytë të Diasporës që mbahet në Tiranë në datat 1 dhe 2 mars 2019.

Ambasadat e Shqipërisë nëpër botë kanë njoftuar të gjithë të interesuarit që të shprehin interesin duke kontaktuar në e-mailin zyrtar të ambasadës.

Samiti i Dytë i Diasporës përkon me përvjetorin e 575-të të Lidhjes së Lezhës.

“E gjithë vëmendja për Diasporën. Së bashku për të farkëtuar ardhmëri me vëmendjen tek bashkëkombasit tanë”, shprehen organizatorët e Samitit të Dytë të Diasporës.

/gj.mima/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.