LONDËR – Brexit afron Spanjën dhe Gjibraltarin

LONDËR, 30 nëntor /ATSH-AFP/ – Britania e Madhe publikoi sot katër marrëveshje që përfshijnë Gjibraltarin që ajo nënshkroi me Spanjën si pjesë e marrëveshjes së largimit nga Bashkimi Europian, që parashikojnë një bashkëpunim të jashtëzakonshëm midis Madridit dhe territorit të vogël britanik.

Memorandumet e bashkëpunimit parashikojnë masa bashkëpunimi në luftën kundër kontrabandës së duhanit, midis policive, si dhe në fushën e të drejtave të punonjësve dhe mjedisit. Përveç kësaj do të mblidhen rregullisht komisione të përbashkëta për të shkëmbyer informacione në këto fusha.

Këto tekste do të jenë të vlefshme vetëm për periudhën e tranzicionit, në parim deri në fund të 2020, e cila do të startojë nëse parlamenti britanik miraton marrëveshjen e Brexit të negociuar midis Londrës dhe të 27./ / v.b/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.