“Zemra e Mesdheut”, pika turistike më e vizituar në Shqipëri

TIRANË, 26 nëntor/ATSH/- “Mediterranean Heart”, përherë një ndalesë e “detyruar” në Himarën turistike, një investim i qeverisë shqiptare i dha imazhin e dëshiruar nga të gjithë, pikës ndoshta më të lartë dhe më të bukur në Mesdhe në shumë këndvështrime.

E cilësuar si një pikat më të bukura dhe më të veçanta në të gjithë Mesdheun që jo rastësisht u pagëzua me këtë emër, në momentin kur arkitektët e përfunduan dizenjimin e saj.

““Mediterranean Heart” thjesht një “kryevepër” e turizmit shqiptar, një nga pikat turistike padyshim më të vizituara në Shqipëri, natyrisht më e bukura në Mesdhe”, shprehet kryetari i bashkisë së Himarës, Jorgo Goro.

Ndaj edhe mori këtë emër, thotë ai, më saktë ia “rrëmbeu” Mesdheut podiumin e triumfit, si një pikë lidhje e afërt me Europën, me Greqinë dhe Italinë, Korfuzin dhe ishujt e vegjël, Salenton dhe Otranton.

Llogoraja, për pozicionin unik që ka, si dhe për erën e favorshme ndihmon shumë në ushtrimin e këtij sporti, të përhapur shumë vitet e fundit.

Sipas të pasionuarve pas këtij sporti, fluturimi sportiv po bëhet gjithnjë e më tepër pjesë e promovimit, por edhe një resurs në rritje për turizmin.

Llogoraja, me vetëm 500 metra diferencë, është pika e dytë në botë mbi nivelin e detit e përshtatshme për fluturimin me velë.

Vlora ngërthen natyrshëm gërshetimin e sporteve të ujit me ato të ajrit, turizmin malor, arkeologjinë dhe plazhin. Ka të gjitha mundësitë të krijojë të ardhura të jashtëzakonshme nga turizmi i aventurës. /k.s/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.