ROMË – Salvini: Malta po i dërgon migrantët drejt brigjeve italiane

ROMË, 24 nëntor /ATSH-DPA/ – Malta po dështon sërish në shpëtimin e migrantëve në det dhe po i dërgon në brigjet italiane, deklaroi sot ministri i Brendshëm italian, Matteo Salvini.

”Një anije malteze ka abandonuar një varkë të madhe me rreth 200 migrantë në mes të Mesdheut duke e lënë t’i drejtohej Italisë”, theksoi Salvini.

“Valeta (kryeqyteti maltez – shën. i përkth.) ka marrë përsipër rolin e operacione të koordinuara të shpëtimit, por si zakonisht po i drejton migrantët nga vendi ynë”, shtoi ai.

Salvini, lideri i partisë së ekstremit të djathtë, Lega, edhe më parë ka akuzuar Maltën për ikje ndaj përgjegjësive kur vjen puna për të ndaluar fluksin konstant të migrantëve nga Afrika e Veriut.

Po në atë kohë, ministri i Brendshëm maltez, Micheal Farrugia u përgjigj duke thënë se, nëse një anije migrantësh nuk ka probleme, atëhere patrullat malteze nuk mund të pengojnë vazhdimin e rrugëtimit të tyre drejt Italisë./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.