Kuvend, miratohen 2 anëtarët e KQZ-së

TIRANË, 1 nëntor/ATSH/ Kuvendi i Shqipërisë miratoi sot zgjedhjen e dy anëtarëve të Komisionit Qendror të Zgjedhjeve, Rezarta Bitri dhe Bledar Skënderi, të cilët u votuan me 74 vota pro secili.

Pas votimit, të dy anëtarët e KQZ-së bënë betimin para seancës.

Më herët në seancë, kryetari i grupit parlamentar të Partisë Socialiste, Taulant Balla i bëri thirrje opozitës që të paraqesë dy kandidaturat e saj për anëtarë të KQZ-së.

Në seancën e sotme plenare u miratuan po ashtu edhe 3 projektligjet që ishin në rendin e ditës. /m.m/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.