BERLIN – Rajoni gjerman i Hesse heq dënimin me vdekje

BERLIN, 1 nëntor /ATSH-AFP/ – Rajoni gjerman i Hesse hoqi dënimin me vdekje, një kuriozitet që vijonte të ishte ende i skicuar në Kushtetutë, megjithëse ishte i ndaluar në vend, sipas rezultateve të referendumit të publikuara sot.

Zgjedhësit e këtij Landi të pasur në perëndim, që përfshin gjithashtu kryeqendrën financiare gjermane Frankfurtin, nuk votuan të dielën vetëm për rinovimin e parlamentit, por gjithashtu për të dhënë verdiktin e tyre për ndryshimet në ligjin themelor rajonal që daton nga viti 1946.

Rezultatet e para paraprake të publikuara sot nga komisioni zgjedhor tregojnë se 83,2% e zgjedhësve votuan pro heqjes së dënimit me vdekje që vijonte të ishte ende i nënshkruar në tekst, dhe 16,7% kundër.

Kjo masë nuk zbatohej pasi Republika Federale e kishte shfuqizuar atë për të gjithë vendin në Kushtetutën e vitit 1949./ /v.b/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.