“Forca e Ligjit” në territor vë në pranga të kërkuarin për trafik narkotikësh

“Forca e Ligjit” në territor vë në pranga të kërkuarin për trafik narkotikësh

“Forca e Ligjit” në territor vë në pranga të kërkuarin për trafik narkotikëshhttps://ata.gov.al/2018/10/26/forca-e-ligjit-ne-territor-ve-ne-pranga-te-kerkuarin-per-trafik-narkotikesh/Në zbatim të Planit të masave për kapjen e personave që qarkullojnë me armë, personave që tentojnë të trafikojnë lënde narkotike si dhe për kapjen e personave në kërkim, në kuadër të operacionit në territor “Ndëshkimi i “të fortëve”, nga strukturat e Drejtorisë Vendore të Policisë Vlorë, u bë kapja dhe ndalimi i të kërkuarit: Gazmir Mehmetaj, 45 vjeç, lindur në Treblovë dhe banues në Vlorë.

Posted by Agjencia Telegrafike Shqiptare on E premte, 26 Tetor 2018

TIRANË, 26 tetor/ATSH- A. Fortuzi/- Në zbatim të planit të masave për kapjen e personave që qarkullojnë me armë, personave që tentojnë të trafikojnë lënde narkotike si dhe për kapjen e personave në kërkim, në kuadër të operacionit në territor “Ndëshkimi i “të fortëve”, nga strukturat e Drejtorisë Vendore të Policisë Vlorë, u bë kapja dhe ndalimi i të kërkuarit: Gazmir Mehmetaj, 45 vjeç, lindur në Treblovë dhe banues në Vlorë.

Kapja e tij u bë në lagjen “Pavarësia” Vlorë, në kuadër të kontrolleve si dhe mbi bazën e informacioneve të marra në rrugë operative nga Seksioni për Hetimin e Narkotikëve dhe Trafiqeve pranë Drejtorisë Vendore të Policisë Vlorë.

Prokuroria pranë Gjykatës së Shkallës së Parë të Krimeve të Rënda Tiranë ka dërguar urdhrin për ekzekutimit të vendimit të Gjykatës së Shkallës së Parë të Krimeve të Rënda Tiranë nr. 270, datë 29.05.2017, e cila këtij shtetasi i ka caktuar masën e sigurimit personal “Arrest me burg” për veprën penale “Trafikimi i narkotikëve” kryer në bashkëpunim dhe mbetur në tentativë.

Ngjarja i referohet një procedimi penal në vitin 2013, ku bëhet fjalë për konstatimin e një sasie lënde narkotike në “Luginën e Vilunit” Shkodër. Materialet i kaluan Prokurorisë pranë Gjykatës së Shkallës Parë të Krimeve të Rënda Tiranë, për veprime të mëtejshme. /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.