FOTO/ Ditët e ngrohta të tetorit, turistët e huaj “pushtojnë” Shqipërinë

TIRANË, 19 tetor /ATSH/ – Shqipëria vazhdon ende dhe në këto ditë tetori të mirëpresë turistë të shumtë që po vizitojnë pikat më interesante turistike, pasi vendi ynë po shndërrohet në një vend me turizëm gjithëvjetor, për shkak të ditëve të shumta me diell.

Ministri i Turizmit dhe Mjedisit, Blendi Klosi përmes një albumi me foto, shprehet se “turistët e huaj, vizitojnë Shqipërinë në këto ditë të ngrohta tetori. Turistë çekë, gjermanë dhe nga vende të tjera kanë udhëtuar dhe shijuar natyrën në Kepin e Rodonit, Malin e Tomorrit, kanionet e Osumit, malin e Dajtit, Kune Vain dhe Bredhi i Hotovës”.

Këto pika turistike u ofrojnë turistëve eksplorimin e natyrës dhe një aventurë fantastike, pasi në këto atraksione ata shijojnë qetësinë e natyrës, bukurinë e egër të maleve shqiptare, si dhe me çadra nën shoqërinë e njëri-tjetrit, shijojnë madhështinë e kanioneve të Osumit ku natyra ndërthuret me ujin e kristaltë të këtyre kanioneve./a.a/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.