BRUKSEL – Liderët e BE-së në përpjekje për zgjidhjen e ngërçit migrator

121
BERLIN, GERMANY - JANUARY 17: German Chancellor Angela Merkel and new Austrian Chancellor Sebastian Kurz prepare to review a guard of honour upon Kurz's arrival at the Chancellery on January 17, 2017 in Berlin, Germany. Kurz became Austrian chancellor and heads a coalition government between his party, the center-right Austrian People's Party (OeVP), and the far-right Austria Freedom Party (FPOe). Merkel and Kurz have differing views on several issues, most notably immigration, as Kurz has touted a more hard-line approach. (Photo by Sean Gallup/Getty Images)

BRUKSEL, 18 tetor /ATSH – Udhëheqësit e BE-së shprehën mbështetjen e tyre për rritjen e bashkëpunimit me Afrikën e Veriut dhe luftën kundër rrjeteve të trafikimit të qënieve njerëzore në përpjekje për të zbutur përçarjet e tejzgjatura lidhur me debatin e valës migratore që ka përfshirë bllokun.

Por përçarjet u rishfaqën sërish në përpjekje për të gjetur një qasje të përbashkët mbi çështjen e shumë debatuar të shpërndarjes së emigrantëve në ditën e dytë të samitit të udhëheqësve të BE-së në Bruksel.

Kancelari austriak, Sebastian Kurz propozoi një strategji më fleksibël për të ndihmuar Bashkimin Europian në zgjidhjen e mosmarrëveshjeve mbi rishpërndarjen e emigrantëve dhe azilkërkuesve.

Në vend që të vazhdojmë me përpjekjen e pasuksesshme për kuotat e detyrueshme të shpërndarjes së azilkërkuesve anembanë BE-së, shtetet anëtare duhet të ndërmarrin qasje të veçanta për të shprehur “solidaritetin” me partnerët e BE-së, tha Kurz pak para takimit.

“Kjo do të thotë se secili shtet duhet të japë një kontribut brenda mundësive,” shtoi ai, duke nënkuptuar që disa shtete anëtare mund të kompensojnë me kontribute financiare.

Por kancelarja gjermane, Angela Merkel tha se një propozim i tillë nuk do të “zgjidhte problemin e shpërndarjes së barabartë dhe është “pak më i lehtë”.

“Kjo nuk është një përgjigje e vërtetë euvropiane,” tha Merkel, vendi i së cilës pranoi më shumë se një milion azilkërkues në vitin 2015.

Austria, e cila mban presidencën e rradhës të BE-së, është e interesuar të zgjidhë çështjen delikatë të emigrantëve gjatë mandatit të saj i cili mbaron në dhjetor./sm/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.