Durrës, mbi 2.7 milionë tonë mallra me anije dhe tragete në 9 muaj

89

– Në periudhën janar-shtator 2018 përpunohen 417 anije dhe 776 tragete –

TIRANË, 11 tetor/ATSH/- Anijet tregtare dhe tragetet e linjave Durrës – Bari dhe Durrës – Ankona e kthim kanë transportuar gjatë periudhës janar-shtator të këtij viti, thuajse të njëjtin volum mallrash, si e njëjta periudhë e vitit 2017.

Nga të dhënat e Sektorit të Statistikave në Autoritetin Portual Durrës, mësohet se në tragetet dhe anijet janë përpunuar 2,715,897 tonë mallra gjithsej.

Tragetet kanë një ecuri në rritje prej 8 për qind, krahasuar me të njëjtën periudhë të vitit 2017, me një volum prej mbi 645 mijë tonë mallra.

Ndërkaq, anijet tregtare kanë transportuar nga/drejt portit të Durrësit një vëllim prej mbi 2 milion e 70 mijë tonë gjithsej në 9 muaj.

Nga të dhënat e Sektorit të Statistikave mësohet gjithashtu se gjatë 9-mujorit janar-shtator 2018 në portin e Durrësit janë përpunuar 417 anije tregtare dhe 776 tragete. /k.s/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.