Violinisti shqiptar Florian Vlashi rikthehet me koncert në Madrid

TIRANË, 8 Tetor /ATSH/ -Violinisti i shquar shqiptar Florian Vlashi do të rikthehet në 14 tetor në një koncert në Madrid në kuadër të ciklit “Muzikë për Mijëvjeçarin e Tretë”.

Ambasada e Shqipërisë në Spanjë bën të ditur se “nisur me violinën në sup nga Orkestra simfonike e Galicisë, së bashku me violinçelisten Ruslana Prokopenko, mbërrin të dielën në sallën e Auditorit të Muzeut Lázaro Galdiano për të qenë protagonistë të një koncerti të veçantë me një program mjaft të larmishëm”.

Florian Vlashi është violinist, kompozitor, muzikant dhe drejtues i njohur i muzikës klasike i lindur në Durrës (Shqipëri) më 8 nëntor 1963 i cili e zhvillon aktivitetin artistik dhe profesional në Spanjë.

Që nga viti 1992 ai është anëtar i Orkestrës Simfonike të Galicia, i rafinuar me G. Egger (Bachakademi Stuttgart) dhe L. Muller (concertmaster i Orkestrës së Vjenës Kamera). Veprimtaria e tij shtrihet në pedagogji, publikime në aktivitetet estetike dhe interpretuese si pedagog (Superior Konservatorin, Universiteti i La Coruña, Universiteti i Santiago, Universiteti i Rioja – Logroño etj).

/gj.mima/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.