Basha i përgjigjet Rexhep Rrajës: Je dhunues zgjedhjesh

TIRANË, 2 tetor/ATSH/ – Kryetari i Partisë Demokratike, Lulzim Basha i është përgjigjur  përmes një deklarate Rexhep Rrajës, djalit të deputetit të Partisë Socialiste, Rrahman Rahja,

Lulzim Basha është shprehur se përpara se të kthehej në dhunues vajzash, Rexhep Rraja ka qenë dhunues zgjedhjesh.

Deklarata e plotë e Kryetarit të PD, Lulzim Basha.

Para se të kthehej në përdhunues dhe torturues vajzash, Rexhep Rraja ishte dhunues zgjedhjesh. Rexhep Rraja dhe kriminelët e tjerë sollën në pushtet Edi Ramën dhe pushteti i Edi Ramës e mbrojti atë nga dalja para drejtësisë për vjedhjen e votave. Pushteti që i ati dhe Edi Rama mbajnë me votat e vjedhura, e mbrojtën Rexhepin edhe kur përdhunoi.

Ishte denoncimi dhe presioni i shoqërisë dhe opozitës që e çuan Rexhepin në sallën e gjyqit. Prandaj Rexhepi është i habitur që ndodhet atje dhe kërcënon se do hakmerret kundër opozitës duke i vjedhur prapë zgjedhjet. Sepse Rexhepi e di mirë se kur vjedh zgjedhjet, je Zot që mund të bësh çfarë të duash, të grabisësh të përdhunosh të vrasësh. Që Rexhepi të mos dhunojë më, duhet që Edi Rama të mos ketë më pushtet!

/e.caushi/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.