Lumnije Thaçi, në pritjen e Zonjës së Parë të SHBA-së

TIRANË, 24 shtator /ATSH/ Zonja e Parë e Kosovës, Lumnije Thaçi, e cila është duke shoqëruar Presidentin e Republikës së Kosovës në javën e Asamblesë së Përgjithshme të Kombeve të Bashkuara, në Nju-Jork, ka marrë pjesë në pritjen e dhënë nga Zonja e Parë e Shteteve të Bashkuara, Melania Trump.

Sipas njoftimit për media dërguar nga Zyra e Presidencës së Kosovës, Zonja e Parë e Kosovës sot do të marrë pjesë në pritjen e organizuar nga Presidenti i Shteteve të Bashkuara të Amerikës, Donald Trump, i cili pritet të mbajë një fjalë rasti në ngjarjen e organizuar me temë “Një thirrje globale për veprim përkitazi me problemin e drogës në botë”, ku do të flasë për luftën kundër narkotikëve dhe do të takohet me krerë shtetesh nga e gjithë bota, përcjell KosovaPress.

Nesër, më 25 shtator, me ftesë të presidentes dhe themelueses së platformës globale “Fashion 4 Development”, Evie Evangelou, Zonja e Parë e Kosovës, Lumnije Thaçi, do të marrë pjesë në Drekën e Tetë Zyrtare Vjetore të Zonjave të Para.

Gjatë kësaj ngjarjeje, Zonja e Parë e Kosovës do të takohet me homologe nga shtete anekënd globit.

Platforma “Fashion 4 Development” është themeluar në janar të vitit 2011 në mbështetje të Objektivave të Mileniumit për Zhvillim të Kombeve të Bashkuara dhe të lëvizjes globale “Çdo grua, çdo fëmijë”, lëvizje të cilës i priu ish Sekretari i Përgjithshëm i Kombeve të Bashkuara, Ban Ki-moon.

Qëllimi i “Fashion 4 Development” është të promovojë ndryshime pozitive shoqërore dhe të shfrytëzojë fuqinë e industrisë së modës dhe bukurisë, duke zbatuar strategji kreative për rritje të qëndrueshme ekonomike dhe pavarësi të komuniteteve në mbarë botën, përmes shprehjes së modës.

Në ceremoninë e organizuar nga kjo platformë pritet t’u ndahen çmime grave që kanë kontribuar në fushat përkatëse.

Në mesin e të dekoruarave do të jenë Carmen Busquets, Edëina Dunn, Ellie Goulding, Amber Heard, Francine LeFrak, Stuart McCullough, Melanie Steiner.

Ndërsa, më 26 shtator, me ftesë të Zonjës së Parë të SHBA-së, Melania Trump, Zonja e Parë e Kosovës. /KosovaPress/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.