Vlorë, 390 milionë lekë për rikonstruksionin e shkollës në Vllahinë

TIRANË, 19 shtator/ATSH/- Shkolla e mesme e bashkuar ”Mynyr Xhindi” në fshatin Vllahinë të Vlorës i është nënshtruar rikonstruksionit.

Bashkia e Selenicës bën të ditur se “ditët e e fundit ka filluar rikonstruksioni total i godinës së kësaj shkolle, falë një investimit prej 390 milionë lekë”.

“Pas rikonstruksionit shkolla do të mundësojë kushte shumë herë më të mira për nxënësit dhe mësuesit. Realizimi i këtij projekti do të bëjë të mundur zhvillimin normal të procesit mësimor dhe edukativ në këtë shkollë”, thekson bashkia e Selenicës.

Sipas bashkisë, mirëmbajtja dhe rikonstruksioni i godinave arsimore do të jenë gjithmonë në qendër të vëmendjes së saj.

Rikonstruksioni i kësaj shkolle është pjesë e projektit të qeverisë për ndryshimin e infrastrukturës arsimore dhe modernizimin e kushteve të edukimit për nxënësit. Deri në vitin 2019 qeveria do të rikonstruktojë 58 shkolla në të gjithë vendin. /k.s/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.