Pas 20 vitesh, investime në infrastrukturën rrugore në Pogradec

https://www.facebook.com/edirama.al/videos/536073123518941/

TIRANË, 19 shtator/ATSH/ Pas 20 vitesh të një situate tejet problematike, qeveria investoi për rikonstruksionin e aksit që përshkon qytetin e Pogradecit deri në krye të Qafës së Plloçës.

Përmes rrjetit social “Facebook”, Kryeministri Edi Rama postoi një video të ndryshimit që ka pësuar ky aks rrugor në qytetin e Pogradecit.

“Mirëmëngjes dhe me kalimin nga 3D në realitetin përgjatë aksit që përshkon qytetin e Pogradecit nga hyrja në dalje, e deri në krye të Qafës së Plloçës, ku u investua drejtpërdrejt nga qeveria pas më shumë se 20 vitesh situate tejet problematike, ju uroj një ditë të mbarë”, shkruan Rama.

Investimi i kryer arrin në vlerën e 1.4 milionë euro dhe përfshin një segment me gjatësi totale prej 5.5 kilometrash në unazën e qytetit që përkon dhe me rrugën nacionale. Ndërkaq, në aksin nga dalja e Pogradecit deri në krye të Qafës së Plloçës është investuar për punimet e tapetit asfaltik, punime në kanalet e kullimit të ujërave të shiut dhe elementët e plotë të sigurisë rrugore. /m.m/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.