Festë ditëlindjeje në Shtëpinë e të moshuarve në Tiranë  

TIRANË,2 shtator /ATSH- I. Vata/ – “Vëmendja jonë është për ata që kanë më shumë nevojë”, deklaroi ministrja e Shëndetësisë dhe Mbrojtjes Sociale, Ogerta Manastirliu ndërsa ka postuar foto nga festa e organizuar nga Shërbimi Social Shtetëror me rastin e ditëlindjeve të disa të moshuarve.

Ministrja Manistrirliu u shpreh se “ditë të mbushura me ditëlindje në Shtëpinë e të Moshuarve, Tiranë. Plot gëzim kanë kaluar festat për gjyshe Dallëndyshen dhe gjyshërit, Luan, Sotiraq, Bashkim, Et’hem, Adnanit dhe Sabriut”.

“Vëmendja jonë është tek ata që kanë më shumë nevojë për kujdes dhe ngrohtësi. Kemi përgjegjësinë të jemi çdo ditë pranë të moshuarve, të cilët i kanë dhënë kaq shumë familjes dhe shoqërisë tonë”, theksoi Manastirliu. /j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.