Ronaldo i kërkon falje portierit të “Chievo”-s

TIRANË, 20 Gusht /ATSH/ -Portieri i “Chievo”-s, Stefano Sorrentino, pësoi një dëmtim të frikshëm në ndeshjen ndaj Juventusit, të humbur 3-2 nga veronezët.

Ai humbi ndjenjat pas një përplasje me Cristiano Ronaldon dhe më pas përfundoi në spital me hundë të thyer, shkruan “Sportmediaset”.

Mirëpo, Cristiano Ronaldo i ka kërkuar ndjesë, ndërsa lajmin e konfirmoi Sorrentino, përmes një postimi në “Twitter”.

“Kam marrë një mesazh nga Ronaldo që më ka uruar shërim të shpejtë. Faleminderit legjendë”, shkroi Sorrentino.

/gj.m/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.