Hapet për qarkullimin e mjeteve nyja e Milotit, lehtësohet trafiku

180

Nyja e Milotit tashmë është hapur për qarkullimin e mjeteve duke lehtësuar ndjeshëm lëvizjen gjatë sezonit turistik. Kalimi bëhet me sinjalistikë provizore ndërsa vazhdon investimi për rrugët dytësore deri në përmbylljen e plotë të veprës

Posted by Damian Gjiknuri – Faqja Zyrtare on E hënë, 13 Gusht 2018

TIRANË, 13 gusht/ATSH/ Nyja e Milotit tashmë është hapur për qarkullimin e mjeteve duke lehtësuar ndjeshëm lëvizjen gjatë sezonit turistik.

Ministri i Infrastrukturës dhe Energjisë, Damian Gjiknuri shprehet se, kalimi bëhet me sinjalistikë provizore, ndërsa vazhdon investimi për rrugët dytësore deri në përmbylljen e plotë të veprës.

Punimet në nyjën e Milotit, një investim prej 1.6 miliard lekë, nisën rreth 1 muaj më parë, ndërsa përfundimi i plotë i veprës do të bëhet brenda 15 muajve.

Projekti parashikon edhe rindërtimin e rrjetit të rrugëve dytësore duke zgjidhur shqetësimin e banorëve dhe bizneseve përreth.

/m.m/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.