Turistët anglezë të mahnitur nga Kruja: Fat që e zbuluam

723

Turistët anglezë të mahnitur nga Kruja: Fat që e zbuluam

Turistët anglezë të mahnitur nga Kruja: Fat që e zbuluamhttps://ata.gov.al/2018/08/10/turistet-angleze-te-mahnitur-nga-kruja-fat-qe-e-zbuluam/Qyteti dhe kalaja historike e Krujës po kthehet në një destinacion atraktiv dhe mjaft i veçantë për t’u eksploruar. Së fundmi, dy turistë anglezë kanë ndarë përshtypjet dhe ndjesitë që u ka lënë qyteti i Krujës.Henry shprehet se ”ky është një vend i mrekullueshëm për t’u vizituar,stafi është shumë i mirë dhe ushqimi është i shkëlqyer.Pamja këtu është e jashtëzakonshme".

Posted by Agjencia Telegrafike Shqiptare on E premte, 10 Gusht 2018

TIRANË, 10 gusht /ATSH/ – Shqipëria është shumë e pasur me bukuri natyrore, si peizazhet e bukura malore dhe bregdeti mahnitës, por përveç këtyre një vend të veçantë në vendin zë edhe turizmi kulturor, ku muzetë dhe kalatë e shumta anembanë Shqipërisë po tërheqin një numër përherë e më të madh vizitorësh vendas, por edhe të huaj.

Qyteti dhe kalaja historike e Krujës po kthehet në një destinacion atraktiv dhe mjaft i veçantë për t’u eksploruar.

Së fundmi, dy turistë anglezë kanë ndarë përshtypjet dhe ndjesitë që u ka lënë qyteti i Krujës.

Henry dhe miku i tij po e kalojnë këtë verë nëpër Ballkan dhe u ndalën në Krujë për dy ditë, ashtu si poeti dhe udhëtari i famshëm anglez Edward Lear 200 vjet më parë (1848).

Në videon e publikuar Kruja  Hospitality, Henry shpreht se ”ky është një vend i mrekullueshëm për t’u vizituar,stafi është shumë i mirë dhe ushqimi është i shkëlqyer. Pamja këtu është e jashtëzakonshme.Ky është gjithashtu një vend historik. Ne nuk jemi anglezët e parë që vijmë këtu në Krujë. Edward Lear, poeti dhe udhëtari i famshëm anglez ka ardhur këtu. Ky është një vend fantastik”.

Miku i Henryit tha se ”nuk dinim çfarë do gjenim këtu dhe jemi vërtetë me fat që e zbuluam. Poshtë mureve të kështjellës ka kasolle të vjetra në këtë qytet të jashtëzakonshëm historik. Pas meje ky vend të ofron një pamje të mrekullueshme.I gjithë stafi i ngjan një familje dhe vizitori nuk ka përshtypjen se po qëndron në hotel apo bujtinë, por sikur ke ardhur të vizitosh familjen për të kaluar një mbrëmje.Kur të kthehemi në vendin tonë ,udhëtarët do jenë duke na pritur ne për ta dëgjuar.

Dy turistët anglezë në fund thanë se ,”natyrisht gjëja më e mirë këtu është rakija e bërë në shtëpi dhe birra.Gëzuar”.

Kalaja e Krujës, qëndron në një shkëmb me pamje nga rrafshnalta nën qytetin e Krujës, me pamje në një ditë të kthjellët në Adriatik.

Brenda mureve të kështjellës janë dy muzeume shumë të ndryshme, një teqe historike bektashiane (një vend i shenjtë ose shtëpi për të adhuruar babatë e ndjerë) dhe disa vende të tjera me interes; ju lehtë mund të kaloni disa orë duke vizituar këto dhe duke ecur nëpër korsi me kalldrëm në zonën e banimit.

Kur të ecni nëpër kështjellë, do të gjeni një hamam (banjë) e cila është pesë shekuj e vjetër, si dhe kullën që fillimisht shërbente për vrojtim dhe sinjalizim si dhe mbetjet e një kishe mesjetare me disa fragmente të afreskeve të mbijetuar./a.a/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.