Vetëm në një muaj, 13 % më shumë turistë se një vit më parë

Vetëm në një muaj, 13 % më shumë turistë se një vit më parë

Duke ndarë statistikat me komunitetin e biznesit dhe përfaqësuesit lokalë gjatë mbledhjes së Komitetit Rajonal të Turizmit në Pogradec, ministri Klosi theksoi se rritja e numrit të turistëve rrit njëherësh përgjegjësitë për ta shndërruar Shqipërinë në një destinacion europian turistik.

Posted by Agjencia Telegrafike Shqiptare on E martë, 24 Korrik 2018

TIRANË, 24 korrik/ATSH/-Numri i turistëve të huaj që kanë mbërritur në Shqipëri krahasuar me të njëjtën periudhë të një viti më parë është rritur me 13%.

Duke ndarë statistikat me komunitetin e biznesit dhe përfaqësuesit lokalë gjatë mbledhjes së Komitetit Rajonal të Turizmit në Pogradec, ministri Klosi theksoi se rritja e numrit të turistëve rrit njëherësh përgjegjësitë për ta shndërruar Shqipërinë në një destinacion europian turistik.

Kreu i Turizmit theksoi se ndër problematikat kryesore vijon të mbetet siguria në plazhe. Ministri Klosi i bëri apel biznesit që ushtron aktivitet në bregdet që të plotësojë detyrimin ligjor për të vënë rojet e plazhit me qëllim mbrojtjen e jetës së çdo turisti por edhe të jetë më aktiv në zgjidhjen e problematikave së bashku me pushtetin lokal.

Ai theksoi gjithashtu se risia e këtij sezoni është mikpritja, realizimi i shumë aktiviteteve argëtuese, turizmit të kulinarisë dhe turizmit kulturor e historik për t’u dhënë turistëve më shumë arsye për t’u rikthyer në Shqipëri.

Gjatë takimit kreu i turizmit gjithashtu i kërkuar biznesit që të përfitojë nga politikat lehtësuese fiskale dhe zonat me përparësi të zhvillimit të turizmit që janë miratuar nga qeveria për të zhvilluar agro-turizmin.

“Oferta e qeverisë për të gjithë ata biznesmenë të cilët duan të ndërtojnë një biznes të qëndrueshëm është fare e qartë. Ata do të përfitojnë nga ulja e taksës në 5 për qind në taksën e fitimit nga 15 që është në biznesin normal. Kush krijon një strukturë agro-turistike do të përfitojë 6 për qind ulje të TVSH-së për të gjitha shërbimet brenda biznesit të tij dhe 0 taksë infrastrukture.”- tha ministri Klosi. z.tosku/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.