Ermonela Jaho dhe Placido Domingo do të ngjiten në skenën e “Teatro Real” të Madridit

TIRANË, 24 korrik /ATSH/ Sopranoja e njohur shqiptare Ermonela Jaho dhe tenori Placido Domingo janë duke bërë provat e fundit për shfaqjen operistike “Thais”, që do të shfaqet në Madrid të Spanjës.

Kjo shfaqje operistike do të prezantohet në skenën e “Teatro Real” të Madridit më 26 korrik dhe pritjet për këtë bashkëpunim janë mjaft të mëdha.

Ermonela Jaho tashmë njihet për role të mëdha dhe të rëndësishme, sikurse është edhe roli i kësaj shfaqjeje, ku Jaho do të prezantohet në rolin e Thais. Ajo deri më sot është prezantuar në teatrot më prestigjioze të botës, duke u shpërblyer shumë herë edhe me çmime të rëndësishme. /m.z//r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.