SHBA – Trump pret kryeministrin Conte në Shtëpinë e Bardhë

UASHINGTON, 28 qershor /ATSH-AFP/ – Presidenti i SHBA-së, Donald Trump do të presë më 30 korrik në Shtëpinë e Bardhë kryeministrin Italian, Giuseppe Conte, njoftoi sot ekzekutivi amerikan.

‘’Italia është një aleat i rëndësishëm i NATO-s, një partnere e jashtëzakonshme në Afganistan dhe në Irak dhe ka një rol vendimtar për të çuar përpara stabilitetin në rajonin e Mesdheut’’, njoftoi Shtëpia e Bardhë, në një deklaratë.

Së bashku, SHBA-ja dhe Italia do të përpiqen të thellojnë bashkëpunimin për të përballuar konfliktet në botë dhe promovuar prosperitetin ekonomik në të dyja anët e Atlantikut.

Në vazhdën e G7-ës së fundit në Kanada, Trump e cilësoi sërish kryeministrin italian ‘’super’’.

‘’Ai është mjaft i vendosur për emigracionin, ashtu si unë’’, nënvizoi Donald Trump pas takimit me të.

‘’Ai do të bëjë punë të mira, populli italian ka bërë zgjedhjen e duhur’’, ishte shprehur me anë të një postimi në Twitter presidenti amerikan./ /v.b/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.