Roboti iPal është dadoja perfekte për të vegjëlit

TIRANË,15 qershor /ATSH/ – Prindërit kinezë e kanë zgjidhur çështjen se kush do t’ia mbajë fëmijët e tyre.

Roboti iPal, që kushton 1400 dollarë, është dadoja perfekte për të vegjëlit. Ai flet dy gjuhë, jep mësime matematike, tregon barcoleta dhe komunikon me fëmijët me anë të një ekrani që ka në gjoks.

Roboti sillet si një fëmijë 4-8 vjeç, duke u bërë si një pjesëtar shtesë i familjes dhe duke i hequr prindërve ngarkesën e përkujdesjes për të voglin.

Një aplikacion në celular u lejon gjithashtu prindërve që të shohin dhe të dëgjojnë gjithçka që ndodh në afërsi të robotit-dado./a.a/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.