BULLGARI – Sekuestrim rekord amfetamine

SOFJE, 29 maj /ATSH-ANSA/ – Në portin e qytetit Varna, në brigjet bullgare të Detit të Zi, policia sekuestroi një sasi rekord amfetamine.

”Gjatë kontrollit në një kontenier, të shkarkuar nga një anije e ardhur nga Kina, agjentët doganorë kanë zbuluar 2,5 tonë amfetaminë, të futur në 300 thasë, që sipas dokumentacionit duhet të kishin acid citrik”, tha prokuroria bullgare.

Pritësi do të ishte një qytetar i huaj i një vendi europian.

Për momentin, prokuroria ka refuzuar të japë detaje mbi emrin e anijes dhe për në cilin vend ishte destinacioni i amfetaminës./  /os/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.