LETËRSI – Savigneau: Nobeli një shaka për Philip Roth

PARIS, 23 maj /ATSH-AFP/ – Çmimi Nobel në Letërsi, i aspiruar prej kohësh nga romancieri amerikan, Philip Roth, i cili vdiq dje, ishte kthyer në një klishe’ për të, pohoi sot shkrimtarja Josyane Savigneau.

“Ishte kthyer në një shaka për të. Çdo vit flitej për këtë gjë, kjo ishte bërë qesharake”, u shpreh për “France Inter” gazetarja, mikja e shkrimtarit të cilin e vizitonte rregullisht, së cilës i kishte kushtuar një intervistë të gjatë dhe të pazakontë në të përditshemn “Liberation” në shtatorin e vitit 2017.

“Nobeli ka humbur gjithsesi shumë shkrimtarë të mëdhenj, apo jo? Si rasti i Prustit, Joyce… nuk do të përpiloja gjithë listën. Kur ai shkruajti “Kafsha që vdes”, që është një libër me nota të forta seksuale, agjenti i tij i tha: mos më thuaj, prapë e humbe Nobelin’’, tregonte ajo.

Autorit amerikan iu bë një nderim i madh në Francë, me faktin e të bërit pjesë që kur ishte gjallë në Koleksionin e Plejadës, vitin e kaluar, në moshën 84 vjeç.

”Ai ishte mjaft entuziast për hyrjen në plejadë. Në muajin tetor i solla plejadën. Ai nuk lexonte frëngjisht, por ishte vërtetë i kënaqur”, shprehet Savigneau./ /v.b/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.