Në sytë e fëmijëve, fytyrat tërheqëse më të besueshme

TIRANE,10 Maj /ATSH/ – Fëmijët e vegjël bëjnë mimika të ndryshme kur nuk pëlqejnë një person, por askush nuk kupton arsyen.

Një studim i botuar në “Frontiers of Psychology” ka zbuluar përse fëmijët pëlqejnë vetëm disa të rritur dhe gjithçka lidhet me bukurinë.

Fëmijëve në studim iu paraqitën 200 imazhe të fytyrave të meshkujve që u krijuan me anë të një programi të ndryshimit të fytyrës dhe të gjithë kishin shikim të drejtpërdrejtë.

Të gjithë fëmijët pjesëmarrës (8 deri në 10 vjeç) duhet të vlerësonin besueshmërinë e personit në bazë të paraqitjes së tyre.

Një muaj më vonë, ata u kthyen në qendrën e studimit për të bërë vlerësimin e atraktivitetit të atyre fytyrave të njëjta.

Studimi arriti në përfundimin se fytyrat që konsideroheshin më të besueshme ishin gjithashtu ato që ishin renditur më tërheqëse.

Kështu, sa më pak tërheqës apo i bukur ti dukeni një fëmije, aq më të ulëta janë mundësitë që t’ju besojnë. Nga ana tjetër, nëse merrni një buzëqeshje nga foshnjet, ata duan t’ju bëjnë një kompliment për bukurinë.

Studimi zbuloi se aftësia e një fëmije për të gjykuar besueshmërinë e një personi rritet me moshën./a.a/ /a.a/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.