FOTO/ Nis rehabilitimi i Varrezave të Dëshmorëve

TIRANE, 4 Maj/ATSH/- Respektimi i historisë është një nevojë për çdo vend të qytetëruar.

Në prag të 5 majit, ditës së Dëshmorëve, Bashkia e Tiranës ka rehabilituar Varrezat e Dëshmorëve të Atdheut.

Pas rilevimit gjeodezik e topografik, Bashkia e Tiranës nisi punën për meremetimin e murit mbajtës te parcelat e Varrezave të Dëshmorëve ku ka pasur rrëshqitje e shembje nga sezoni i shirave, duke normalizuar situatën.

Gjithashtu është punuar edhe për kurimin e bimësisë dhe të dekoracionit duke zbukuruar shtëpinë e përjetshme të atyre që dhanë jetën për Shqipërinë!

Varrezat e Dëshmorëve janë të përfshira në Protokollin e Shtetit si vend ku kryhen nderime dhe organizohen ceremonitë zyrtare. /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.