40 milionë euro investim në rrjetin energjetik, ulen humbjet rriten arkëtimet

https://www.facebook.com/edirama.al/videos/10155773192461523/

TIRANË, 1 maj/ATSH/- Përmirësimi i furnizimit me energji elektrike për qytetarët ka qenë një prej prioriteteve të qeverisë në këto 4 vite.

Rritje të arkëtimeve të energjisë elektrike, mundësoi investime të mëtejshme në rrjet duke sjellë shërbim më transparent dhe të besueshëm.

Kryeministri Edi Rama ka publikuar në “Facebook”, të dhëna të gjeneruara nga Ministria e Energjetikës dhe Infrastrukturës lidhur me furnizimin me energji elektrike si dhe investimet e kryera në këtë sektor.

Sipas të dhënave të OSHEE-së, në vitin 2013 humbjet në energji ishin në masën e 45% ndërsa në vitin 2017 ato ishin vetëm 26.8%.

Ndërsa arkëtimet në vitin 2013 ishin 28.7 miliardë lekë, kurse një vit më parë shuma e arkëtuar arriti shifrën 48.2 miliardë lekë.

Në 4 vitet e fundit, në rrjetin energjetik u investuan rreth 40 milionë euro nga kompanitë publike, duke ulur defektet në rrjet dhe ankesat e qytetarëve. Rreth 70% e konsumatorëve janë të kënaqur me saktësinë, kohën dhe transparencën e faturimit. Falë investimeve u bë e mundur edhe pajisja e abonentëve me matësa, jo me faturim aforfe.

70% e familjeve me fatura të papaguara ndër vite kanë përfituar nga marrëveshjet e lehtësuara me OSHEE, ndërsa debitorët kanë përfituar nga marrëveshjet e lehtësuara me OSHEE.

Aktmarrëveshje të firmosura të qytetarëve me OSHEE janë 394 mijë.

Për t’u ardhur në ndihmë familjeve në nevojë, qeveria paguan si kompensim të energjisë elektrike rreth 16 milionë dollarë në vit.

Rreth 92% e qytetarëve janë pro uljes së informalitetit dhe rreth 70% janë shprehur pro investimeve në rrjetin elektrik në vend.

Për të mbuluar 100% furnizimin me energji elektrike qeveria shprehet e vendosur për të vijuar me investimet në këtë sektor. /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.