UASHINGTON – SHBA teston me sukses një raketë balistike ndërkontinentale

UASHINGTON, 26 prill /ATSH-AFP/ – “US Air Force” njoftoi sot se kishte testuar me sukses një raketë balistike ndërkontinentale (ICBM) ”Minuteman III” lëshuar nga baza e Vandenbergut në Kaliforni.

Sipas një komunikate të komandantit të ushtrisë ajrore amerikane “Air Force Global Strike Command”, raketa u lëshua në orën lokale 05:26.

“Një test është i besueshëm nëse raketa lëshohet, nëse përfundon trajektoren e saj brenda një korridori sigurie të vendosur dhe nëse pajisjet kanë funksionuar në mënyrën e duhur, nëse të dhënat janë marrë dhe nëse zona e impaktit (…) korrespondon me shënjestrën e parashikuar”, thekson komunikata.

“Edhe pse raketa kishte arritur shënjestën e parashikuar, testet dhe analiza e të dhënave nuk do të publikohen”, shtoi komandanti amerikan.

Ky test, i pari që prej fillimit të vitit, ishte parashikuar prej shumë kohësh./ /ec/  a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.