Shqipëria kërkon hapjen e shpejtë të negociatave

TIRANË, 25 prill /ATSH/ – Kryeministri shqiptar, Edi Rama e krahason vizitën e tij të planifikuar për sot me kancelaren Angela Merkel me një audiencë me Papën.

“Angela Merkel është një kampione e Europës. I gjithë rajoni i Ballkanit i mban shpresat te ajo”, deklaroi Rama për Editorial Network Germany (RND).

“Kështu që është normale që çdo kryetar qeverie i Ballkanit , i cili shkon në Berlin, ndihet pak si pelegrin, i cili kërkon të takojë Papën”, theksoi ai.

Rama këmbëngul që vendi i tij të fillojë sa më shpejt të jetë e mundur negociatat e anëtarësimit në BE.

“Ne do të donim të anëtarësoheshim që sot”, shton si për RND.

”Në Ballkan njerëzit ndihen shumë optimistë për BE-në. Për ne Europa është ajo që ka qenë për etërit themelues: një projekt paqeje”, thekson ai.

BE po diskuton aktualisht hapjen e negociatave të anëtarësimit me Shqipërinë.

Si KomisioniEuropian ashtu edhe presidenti i Këshillit të Bashkimit Europian, Donald Tusk rekomandojnë hapjen e tyre. Nga ana tjetër, ka edhe një farë skepticizmi nga ana e vendeve anëtare./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.