BRUKSEL – 20 kompani braziliane ndalohen të eksportojnë drejt BE-së pas skandalit të mishit të prishur

BRUKSEL, 19 prill /ATSH-AFP/ – Bashkimi Europian do të fshijë 20 kompani braziliane nga lista e bizneseve që zotërojnë të drejtën për të eksportuar mish drejt 28 shteteve anëtare, rreth një viti pas skandalit të mishit të prishur, njoftoi sot Komisioni Europian.

”Shtetet anëtare votuan unanimisht pro pezullimit të 20 kompanive braziliane, të cilat gëzojnë aktualisht të drejtën e eksportit të mishit dhe produkteve me bazë mishi (kryesisht shpendëve)”, njoftoi një zëdhënëse e ekzekutivit europian në një deklaratë të shkurtër.

Ky pezullim vjen pas mangësive të konstatuara në sistemin e kontrollit zyrtar brazilian.

Kompanitë e sipërmendura nuk përmbushnin kërkesat e BE-së të përpiluara pas një auditimi të kryer.

Në marsin e 2017, në Brazil shpërtheu një skandal, pasi policia zbuloi se eksportues potencialë të mishit korruptonin inspektorë të shërbimeve të higjienës për të standardizuar mishin e prishur sikur të ishte brenda normave për konsum./
/v.b/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.